ماسکو: روس کے دارالحکومت ماسکو میں حکومت مخالف مظاہرے کے دوران تقریباً 60 مظاہرین کو گرفتار کرلیا گیا۔
میڈیا رپورٹس کے مطابق مظاہرے کا اہتمام کمیونسٹ پارٹی آف دی رشین فیڈریشن نے روس کے 1993 کے آئینی بحران کی برسی کے موقع پر کیا تھا، جس کے دوران سینکڑوں افراد ہلاک ہوئے تھے۔رپورٹس کے مطابق مظاہرین کی جانب سے حکومت مخالف نعرے لگائے جانے کے بعد گرفتاریوں کا سلسلہ شروع ہوا۔ مظاہرین نے ’’زار کے ساتھ نیچے‘‘ اور ’’بدمعاشوں اور چوروں کی پارٹی کے ساتھ‘‘ جیسے نعرے لگائے، جنہیں صدر ولادیمیر پیوٹن اور ان کی جماعت متحدہ روس کے خلاف احتجاج کے طور پر دیکھا گیا۔دی کیف انڈیپنڈنٹ کی رپورٹ کے مطابق گرفتار کیے گئے تقریباً 60 افراد میں سے نصف کا تعلق کمیونسٹ پارٹی سے جبکہ باقی افراد کا تعلق لبرل جماعت یابلوکو سے تھا۔مظاہرے کے دوران گرفتاریوں کی مزید تفصیلات اور حکام کی جانب سے اس حوالے سے مؤقف سامنے آنا باقی ہے۔
