پاکستان سپر لیگ (پی ایس ایل) حکام نے فرنچائز مالکان اور آفیشلز سے واجبات کی وصولی میں مدد کرنے کی درخواست کی ہے تاکہ لیگ کی مالی صورتحال بہتر بنائی جا سکے۔
گزشتہ روز ایک اہم میٹنگ میں، جس میں ٹیم آفیشلز ویڈیو کال کے ذریعے شریک تھے، میڈیا اور سوشل میڈیا پر جاری تند و تیز بیانات کے باعث شہرت حاصل کرنے والے ملتان سلطانز کے مالک علی ترین نہیں بلکہ ان کے نمائندے موجود تھے۔میٹنگ کے دوران بورڈ حکام نے فرنچائزز سے کہا کہ وہ بھی اپنے کردار ادا کریں اور واجبات کے حصول میں کردار ادا کریں، کیونکہ پی سی بی اب تک واجبات کا انتظار کر رہا ہے۔ اس کے علاوہ، سابق ڈائریکٹر انٹرنیشنل عثمان واہلہ نے بھی ایک بار پھر پی ایس ایل میں شامل ہونے کا اعلان کیا اور میٹنگ میں شریک ہوئے۔اس موقع پر فرنچائزز کو آگاہ کیا گیا کہ آئندہ ایڈیشن میں مزید 2 ٹیموں کا اضافہ کیا جائے گا، حالانکہ اس حوالے سے مزید تفصیلات فراہم نہیں کی گئیں۔ اس کے علاوہ، پلیئرز کی ریٹینشن اور دیگر انتظامی امور پر بھی تبادلہ خیال کیا گیا۔
