بنوں میں دہشت گردوں کے حملے کے نتیجے میں شہادتوں کی تعداد 12 جبکہ زخمیوں کی تعداد 32 ہو گئی ہے، جبکہ سیکیورٹی فورسز کا کلیئرنس آپریشن جاری ہے۔
حملے کی تفصیلات:
???? دہشت گردوں نے بنوں کینٹ پر حملہ کیا، جس میں معصوم شہری شہید ہوئے۔
???? 3 افراد مسجد میں شہید ہوئے، جبکہ باقی افراد بازار میں دھماکے کے نتیجے میں گرنے والی عمارت کے ملبے تلے دب کر جان سے گئے۔
???? سیکیورٹی ذرائع کے مطابق دہشت گردوں کے باقی ماندہ عناصر کا فون پر افغانستان سے رابطہ ہے۔
???? فورسز نے علاقے کا محاصرہ کرکے آخری دہشت گرد کے خاتمے تک آپریشن جاری رکھنے کا اعلان کیا ہے۔
ریسکیو آپریشن مکمل:
✅ ریسکیو 1122 نے امدادی کارروائیاں مکمل کرلیں، ملبے تلے دبے تمام افراد کو نکال کر اسپتال منتقل کردیا گیا۔
✅ آپریشن کی نگرانی ڈسٹرکٹ ایمرجنسی آفیسر نے کی، جبکہ کرک کے ڈسٹرکٹ ایمرجنسی آفیسر بھی موقع پر موجود رہے۔
✅ زخمیوں کو اسپتال میں ریسکیو 1122 کے میڈیکل ٹیکنیشنز کی جانب سے فوری طبی امداد فراہم کی گئی۔
سیکیورٹی فورسز نے شہریوں کو الرٹ رہنے اور کسی بھی مشکوک سرگرمی کی فوری اطلاع دینے کی ہدایت کی ہے۔
