لاہور کے مشہور میو ہسپتال کے کیورالوجی وارڈ میں ایک چھوٹی سی آتشزدگی کا واقعہ پیش آیا، جس نے فوری طور پر ہسپتال عملے اور مریضوں میں خوف و ہراس پھیلا دیا۔
واقعہ کے وقت وارڈ میں متعدد مریض اور عملہ موجود تھا، جس کی وجہ سے ابتدائی طور پر بھگدڑ مچی اور لوگوں میں خوف و ہراس پیدا ہو گیا۔ریسکیو ذرائع کے مطابق، آتشزدگی کی اطلاع ملتے ہی فوری طور پر فائر بریگیڈ اور ریسکیو ٹیمیں موقع پر پہنچ گئیں اور چند منٹوں کے اندر آگ پر مکمل قابو پا لیا۔ ترجمان ریسکیو نے تصدیق کی ہے کہ آتشزدگی کے دوران کسی قسم کا جانی یا مالی نقصان نہیں ہوا اور نہ ہی کوئی زخمی ہوا۔ہسپتال انتظامیہ کا کہنا ہے کہ آتشزدگی کی وجوہات کا تعین کرنے کے لیے تفتیش شروع کر دی گئی ہے، اور آئندہ ایسے واقعات کی روک تھام کے لیے حفاظتی انتظامات مزید سخت کیے جائیں گے۔ انتظامیہ نے مریضوں اور عملے کو مطمئن کرتے ہوئے کہا کہ ہسپتال کی سروسز متاثر نہیں ہوئی ہیں اور علاج معالجہ معمول کے مطابق جاری ہے۔یہ واقعہ میو ہسپتال کے لیے ایک وارننگ ہے کہ ہسپتالوں میں حفاظتی اقدامات کو مزید مؤثر اور منظم بنایا جائے تاکہ مستقبل میں ایسے حادثات سے بچا جا سکے اور مریضوں کی حفاظت کو یقینی بنایا جا سکے۔
