بالی وڈ کے مشہور اداکار دھرمیندر کے لیے شہرت اور شہرت کی چکاچوند کے باوجود ان کا دل ہمیشہ ان کے آبائی گاؤں کی زمینوں اور دیہی ماحول میں سکون محسوس کرتا رہا۔
گاؤں کی محبت
بھارتی میڈیا کے مطابق دھرمیندر کو ابتدا میں اپنے والد کی ملازمت کے تبادلے اور بعد میں فلمی کیرئیر کی وجہ سے گاؤں چھوڑنا پڑا، لیکن ان کے خاندان کے دیگر افراد اسی گاؤں میں رہتے تھے۔کیرئیر کے دوران بھی جب کبھی بریک ملتی، وہ عیش و عشرت چھوڑ کر لُدھیانہ سے 25 کلومیٹر دور ڈانگون میں اپنے آبائی گھر جاتے۔
زمین کی ملکیت
تقریباً ایک دہائی قبل دھرمیندر نے اپنی آبائی زمین اپنے چچا زاد بھائی کے نام کر دی تھی، جو ان کی غیر موجودگی میں زمین کا خیال رکھتے تھے۔بھارتی میڈیا کے مطابق اس زمین کی قیمت تقریباً 5 کروڑ بھارتی روپے تھی۔حال ہی میں دھرمیندر کے بھتیجے بوٹا سنگھ دیول نے بتایا کہ 2016 میں چچا دھرمیندر نے 19 کنال اور 3 مرلہ زمین اپنے والد منجیت سنگھ اور چچا شنگارا سنگھ کے نام کر دی تھی۔
خاندان اور یادیں
دھرمیندر ہمیشہ اپنے خاندان اور بچپن کے دوستوں سے رابطے میں رہے۔وہ آخری بار 2019 میں گاؤں آئے، جب سنی دیول گورداسپور سے الیکشن لڑ رہے تھے۔
ممبئی میں فارم
پنجاب میں دوبارہ منتقل نہ ہو سکے، مگر انہوں نے ممبئی کے قریب کھنڈالہ میں ایک وسیع فارم بنایا، جہاں انہوں نے کئی سال گزارے۔کورونا لاک ڈاؤن کے دوران دھرمیندر نے اپنے فارم سے متعدد ویڈیوز مداحوں کے ساتھ شیئر کیں۔
