اسلام آباد ہائی کورٹ نے شبلی فراز اور کنول شوزب کی درخواستیں عدم پیشی پر خارج کر دیں

اسلام آباد ہائی کورٹ نے پی ٹی آئی کے رہنما شبلی فراز اور کنول شوزب کی طرف سے دائر کردہ توہینِ عدالت کی درخواستیں خارج کر دی ہیں۔

درخواستیں اس لیے دائر کی گئی تھیں کیونکہ دونوں رہنماؤں کے نام سفر پر پابندی (No-Fly List) سے نہ نکالے جانے پر وہ عدالت سے رجوع کر رہے تھے۔ تاہم، کیس کی دو مرتبہ سماعت ہونے کے باوجود کوئی وکیل عدالت میں پیش نہیں ہوا۔ اس پر جسٹس طارق محمود جہانگیری نے درخواستیں خارج کر دیں۔واضح رہے کہ شبلی فراز اور کنول شوزب نے عدالت کے احکامات پر عمل درآمد نہ ہونے پر یہ درخواستیں دائر کی تھیں، لیکن عدالت نے درخواست گزاروں کی عدم حاضری کی وجہ سے یہ درخواستیں خارج کر دی ہیں۔