ویب ڈیسک: وزیراعلیٰ پنجاب ڈویلپمنٹ پروگرام (PDP) کے تحت صوبے کے 21 شہروں میں مرحلہ وار ترقیاتی کام شروع کرنے کے لیے پراجیکٹ کونسپٹ (PC-I) دستاویزات جمع کرانے کا آغاز کر دیا گیا ہے۔
اجلاس کی صدارت:
اس حوالے سے ایک اہم اجلاس وزیر بلدیات ذیشان رفیق کی زیرصدارت منعقد ہوا جس میں:
سپیشل سیکرٹری بلدیات ارشد بیگ
ایڈیشنل سیکرٹری احمر کیفی
اور پنجاب میونسپل ڈویلپمنٹ فنڈ کمپنی (PMDFC) کے ایم ڈی سید زاہد عزیز نے شرکت کی۔
ترجیحی شہروں کی فہرست:
وزیر بلدیات کے مطابق پہلے مرحلے میں 21 شہروں کو ترجیحی بنیادوں پر شامل کیا گیا ہے۔ ان میں:
پی سی ون جمع ہو چکے ہیں:
گجرات، ڈسکہ، لیہ، اٹک، ننکانہ صاحب
آخری مراحل میں ہیں:
خانیوال، وزیرآباد
ماہ رواں میں جمع کرائے جائیں گے:
کامونکی، وہاڑی، مریدکے، ٹوبہ ٹیک سنگھ، خوشاب، بہاولنگر، اوکاڑہ، بورے والا، گوجرہ، جڑانوالہ، کمالیہ
آئندہ مرحلے میں شامل شہروں میں:
کوٹ ادو، لودھراں، شیخوپورہ
ترقیاتی منصوبے:
جمع کرائے جانے والے PC-I میں درج ذیل منصوبے شامل ہیں:
سیوریج سسٹم کی بہتری
بارشی پانی کے نکاس کا نظام
گلیوں اور سڑکوں کی پختگی
بنیادی شہری سہولیات کی فراہمی
شفافیت اور نگرانی:
ذیشان رفیق نے ہدایت کی کہ ترقیاتی منصوبے لاہور ڈویلپمنٹ پروگرام کی طرز پر شفاف اور بروقت مکمل کیے جائیں۔منصوبوں کی نگرانی PMDFC اور پروجیکٹ مینجمنٹ یونٹ (PMU) کرے گا۔صوبائی سطح پر اسٹیئرنگ کمیٹی تمام منصوبوں کی مانیٹرنگ کر رہی ہے۔
