پاپ سپر اسٹار ٹیلر سوئفٹ نے مسلسل تین سال سے دنیا بھر میں سب سے زیادہ سنی جانے والی فنکارہ بننے کا اعزاز حاصل کر لیا ہے۔
اس کامیابی کے ساتھ، انہوں نے ثابت کیا ہے کہ وہ گزشتہ 20 سال سے اپنی بے مثال موسیقی اور البمز کے ذریعے عالمی سطح پر اپنی منفرد پہچان بنا رہی ہیں اور مداحوں کو ہر وقت محظوظ کرتی رہتی ہیں۔اسپوٹائفائی کے Wrapped 2025 چارٹس کے مطابق، 35 سالہ ٹیلر سوئفٹ اس سال بھی دنیا کی سب سے زیادہ سنی جانے والی خاتون فنکارہ قرار پائیں، اگرچہ عالمی درجہ بندی میں انہوں نے بیڈ بنی کو پہلی پوزیشن دی گئی ہے، مگر انہوں نے عالمی سطح پر اپنی جگہ دوسری نمبر پر بنائی ہے۔امریکا میں، ٹیلر سوئفٹ اسپوٹائفائی کے سب سے زیادہ سنی جانے والی فنکارہ کے طور پر پہلے نمبر پر برقرار ہیں، جہاں دی ویکینڈ اور ڈریک جیسے دیگر مقبول فنکار بھی ٹاپ فور میں شامل ہیں۔ یہ کارنامہ، وہ مسلسل تیسری بار انجام دے رہی ہیں، کیونکہ انہوں نے 2023، 2024، اور 2025 میں بھی سب سے زیادہ سنی جانے والی فنکارہ کا اعزاز حاصل کیا ہے۔
اس نئے ریکارڈ کے بعد، ان کا گانا "The Fate of Ophelia" یکم دسمبر کو دنیا بھر میں سب سے زیادہ سنا جانے والا گانا بن گیا ہے، جس نے اپنی مقبولیت کا لوہا منوا لیا ہے۔اسپوٹائفائی کا Wrapped 2025، جو کہ صارفین کے لیے جلد دستیاب ہوگا، سالانہ موسیقی کے دلچسپ اعداد و شمار اور ریکارڈز پر مشتمل ہوگا، جس میں اس سال کے سب سے زیادہ سنے جانے والے فنکاروں، گانوں، اور دیگر دلچسپ معلومات شامل ہوں گی۔
