ویب ڈیسک: پاکستان نے ویسٹ انڈیز کو 3 میچز پر مشتمل ٹی ٹوئنٹی سیریز کے فیصلہ کن میچ میں 14 رنز سے شکست دے کر سیریز اپنے نام کر لی۔
میچ کی تفصیلات:
امریکی ریاست فلوریڈا کے شہر لاؤڈر ہل میں کھیلے گئے تیسرے اور آخری ٹی ٹوئنٹی میچ میں پاکستان کے کپتان سلمان علی آغا نے ٹاس جیت کر پہلے بیٹنگ کا فیصلہ کیا۔
پاکستان نے ٹیم میں دو تبدیلیاں کیں:
شاہین آفریدی کی جگہ حارث رؤف
فخر زمان کی جگہ خوشدل شاہ
پاکستان کی اننگز:
پاکستان نے مقررہ 20 اوورز میں 4 وکٹوں کے نقصان پر 189 رنز بنائے۔
صاحبزادہ فرحان: 74 رنز (نصف سنچری)
صائم ایوب: 66 رنز (نصف سنچری)
حسن نواز: 15 رنز
محمد حارث: 2 رنز
خوشدل شاہ: 11* (ناٹ آؤٹ)
فہیم اشرف: 10* (ناٹ آؤٹ)
ویسٹ انڈیز کی جانب سے جیسن ہولڈر، روسٹن چیز اور شمار جوزف نے ایک، ایک وکٹ حاصل کی۔
ویسٹ انڈیز کی اننگز:
ہدف کے تعاقب میں ویسٹ انڈیز کی ٹیم مقررہ 20 اوورز میں 6 وکٹوں کے نقصان پر 176 رنز بنا سکی اور یوں پاکستان نے میچ 14 رنز سے جیت لیا۔
سیریز کا نتیجہ:
پاکستان نے تین میچز پر مشتمل ٹی ٹوئنٹی سیریز 2-1 سے اپنے نام کر لی۔
