ایران نے حال ہی میں ایک جدید امریکی لڑاکا طیارہ مار گرائے جانے کی ویڈیو سوشل میڈیا پر جاری کی ہے، جسے ایرانی سفارتخانے نے ایکس (سابقہ ٹوئٹر) پر شیئر کیا۔ ویڈیو کے کیپشن میں کہا گیا کہ یہ مناظر حقیقت ہیں، کوئی فلم نہیں، اور امریکی طیارے مسلسل نشانہ بن رہے ہیں۔
میڈیا رپورٹس کے مطابق ویڈیو میں دکھایا گیا طیارہ A-10 جیٹ ہے، جو امریکی فضائیہ کا ایک اہم حملہ آور طیارہ ہے۔ ایران نے اس دعوے کے ذریعے اپنی فضائی دفاعی صلاحیت اور امریکی طیاروں پر قابو پانے کی ٹیکنیکل کامیابی کو اجاگر کیا ہے۔ماہرین کے مطابق اس ویڈیو کا مقصد نہ صرف داخلی سطح پر عوام میں حوصلہ بڑھانا ہے بلکہ عالمی برادری اور امریکا کو پیغام دینا بھی ہے کہ ایران اپنے فضائی دفاعی نظام کے ذریعے دشمنی کرنے والوں کا موثر جواب دینے کی صلاحیت رکھتا ہے۔واضح رہے کہ ایران اور امریکا کے درمیان کشیدگی کے باعث گزشتہ دنوں کئی امریکی ڈرون اور لڑاکا طیارے ایرانی دفاعی نظام کے زیرِ اہتمام نشانہ بن چکے ہیں، اور یہ ویڈیو اسی تسلسل کا حصہ ہے۔
