گوجرانوالہ کے ایک نجی چڑیا گھر سے 8 بندر فرار ہو گئے، جس کے بعد محکمہ وائلڈ لائف نے فوری طور پر کارروائی شروع کر دی۔
چڑیا گھر شہر کے ایک علاقے میں واقع تھا، اور یہاں سے بندر فرار ہونے کی اطلاع ملتے ہی وائلڈ لائف کے عملے نے چھاپے مارنا شروع کر دیے۔محکمہ وائلڈ لائف کے حکام کے مطابق ابتدائی طور پر 4 بندر شہر کے مختلف علاقوں میں نظر آئے۔ ان بندروں کو کامیابی سے پکڑ لیا گیا اور ان کو چڑیا گھر واپس منتقل کر دیا گیا۔ تاہم، باقی 4 بندر ابھی تک مفرور ہیں اور ان کی تلاش جاری ہے۔
محکمہ وائلڈ لائف کا عملہ ان بندروں کی تلاش کے لیے مختلف چھتوں، خالی مکانات اور باغات میں چھان بین کر رہا ہے۔واضح رہے کہ فرار ہونے والے بندر انسانوں کے لیے خطرہ بن سکتے ہیں کیونکہ وہ غیر متوقع طور پر کسی بھی جگہ پر آ سکتے ہیں اور لوگوں میں خوف و ہراس پیدا کر سکتے ہیں۔ وائلڈ لائف حکام کا کہنا ہے کہ بندروں کو جلد ہی پکڑ کر ان کے محفوظ مقام پر منتقل کر لیا جائے گا تاکہ کسی قسم کی حادثات سے بچا جا سکے۔
