صوبہ بھر میں 14 اپریل کو پنجابی ثقافت کا دن منانے کا فیصلہ

 لاہور (کرائم رپورٹر)صوبہ بھر میں 14 اپریل کو پنجابی ثقافت کا دن منانے کا فیصلہ کر لیا گیا۔شعبہ معلومات و ثقافت پنجاب نے نوٹیفکیشن جاری کر دیا، صوبہ کے تمام سرکاری اداروں کو بھی مراسلہ بھجوا دیا گیا۔مراسلے میں کہا گیا ہے کہ اداروں کے صوبائی و ضلعی سربراہان ثقافتی لباس زیب تن کرینگے، مرد سر پر پگڑی اور خواتین چنری اوڑھیں گی۔صوبائی اور ضلعی سطح پر پنجابی مشاعروں اور نعتیہ محافل کرانے سمیت سکولوں ، کالجوں کی انتظامیہ کو ثقافتی دن میں بھرپور شرکت کی ہدایت کی گئی ہے۔