پاکستان اسٹاک ایکسچینج میں منگل کو مارکیٹ میں زبردست تیزی دیکھنے کو ملی، جس کے نتیجے میں 100 انڈیکس نے 1 لاکھ 4 ہزار 316 پوائنٹس کی نئی بلند سطح کو عبور کیا۔
کاروبار کا آغاز 603 پوائنٹس کی تیزی کے ساتھ ہوا، جس سے 100 انڈیکس 103878 پوائنٹس تک پہنچا، جو ایک نئی بلند سطح تھی۔اس کے بعد مارکیٹ میں تیزی کا رجحان برقرار رہا، جس کے نتیجے میں انڈیکس میں مزید 759 پوائنٹس کا اضافہ ہوا۔ اس تیز رفتار اضافہ کے ساتھ، 100 انڈیکس نے 1 لاکھ 4 ہزار پوائنٹس کا ایک اور سنگ میل عبور کیا۔کاروبار کے دوران 100 انڈیکس میں مجموعی طور پر 851 اور پھر 1086 پوائنٹس کا اضافہ ہوا، جس سے انڈیکس 104361 پوائنٹس تک پہنچا۔ اس تیزی کا آغاز وفاقی وزیرِ پلاننگ احسن اقبال کے گونگ بجانے سے ہوا، جس کے بعد اسٹاک مارکیٹ میں تیزی کا رجحان جاری رہا۔پاکستان اسٹاک ایکسچینج کی یہ تیزی ملکی سرمایہ کاروں کے لیے خوش آئند ہے اور یہ اقتصادی اعتماد کی علامت ہے، جس کا اثر مارکیٹ کی مجموعی کارکردگی پر بھی پڑ رہا ہے۔
