لاہور میں ڈینگی وائرس کے کیسز میں مسلسل اضافہ ہو رہا ہے اور مزید 38 نئے مریضوں کی تصدیق کی گئی ہے۔
محکمہ صحت کے اعداد و شمار کے مطابق:علامہ اقبال زون سے سب سے زیادہ 15 مریض سامنے آئے۔سمن آباد زون سے 5 مریض رپورٹ ہوئے۔نشتر زون اور راوی زون سے 4، 4 مریضوں کی تصدیق ہوئی۔کینٹ اور گلبرگ زون میں 3، 3 مریض سامنے آئے۔ڈاٹا گنج بخش زون سے 2 مریض اور عزیز بھٹی و شالامار زون سے 1، 1 مریض رپورٹ ہوا۔محکمہ صحت کے مطابق ڈینگی کیسز میں روز بروز اضافہ شہریوں کے لیے تشویشناک ہے۔ متاثرہ مریضوں کو مختلف ہسپتالوں میں منتقل کر دیا گیا ہے جبکہ محکمہ صحت کی ٹیمیں انسدادِ ڈینگی اقدامات تیز کرنے میں مصروف ہیں۔حکام نے شہریوں کو ہدایت کی ہے کہ گھروں اور اردگرد کے ماحول کو صاف رکھیں، پانی جمع نہ ہونے دیں اور انسدادِ ڈینگی احتیاطی تدابیر پر لازمی عمل کریں۔
