لاہور کے علاقے ٹاؤن شپ، سیکٹر بی ٹو کی رہائشی 38 سالہ خاتون سائرہ مصطفیٰ گزشتہ چند روز سے پراسرار طور پر لاپتہ ہیں۔
خاتون 28 جون کو صبح 11 بجے گھر سے نکلی تھیں، لیکن اب تک واپس نہیں لوٹیں۔
سی سی ٹی وی میں آخری بار خاتون کو سڑک پر دیکھا گیا
پولیس اور اہل خانہ کے مطابق قریبی سی سی ٹی وی فوٹیج میں سائرہ مصطفیٰ کو ٹاؤن شپ کی ایک سڑک سے گزرتے ہوئے دیکھا گیا ہے۔ اس کے بعد ان کا کوئی سراغ نہیں ملا۔
ذہنی صحت کے مسائل کا سامنا تھا
اہل خانہ نے بتایا کہ سائرہ مصطفیٰ کچھ عرصے سے ذہنی دباؤ اور عدم توازن کا شکار تھیں، اور ممکنہ طور پر اسی کیفیت میں گھر سے باہر نکلیں۔
پولیس نے مقدمہ درج کر لیا
خاتون کے شوہر غلام مصطفیٰ کی درخواست پر پولیس نے مقدمہ درج کر لیا ہے۔ پولیس حکام کا کہنا ہے کہ:"اہل خانہ کے بیانات اور شواہد کی روشنی میں خاتون کی تلاش جاری ہے، علاقے کی مزید سی سی ٹی وی فوٹیجز حاصل کی جا رہی ہیں۔"
اہل خانہ کی اپیل
سائرہ مصطفیٰ کے اہل خانہ نے شہریوں سے مدد کی اپیل کرتے ہوئے کہا ہے کہ اگر کسی کو خاتون کے بارے میں کوئی معلومات ہوں تو فوری طور پر قریبی پولیس اسٹیشن یا مدد نمبر 15 پر اطلاع دی جائے۔
