عمران خان کے بیٹے پاکستان آئے تو گرفتار نہیں کیا جائے گا خواجہ آصف

بچوں کو تو فون پر بھی والد سے بات کرنے کی اجازت نہیں  ، بلکہ کسی کو بھی نہیں ہے:  سابق اہلیہ جمائمہ گولڈ سمتھ کا  رد عمل  
اسلام آباد،لندن(آئی این پی )پاکستان کے وزیر دفاع خواجہ آصف نے کہاہے  اگر عمران خان کے بیٹے ملنے آتے ہیں تو انہیں پاکستان میں گرفتار نہیں کیا جائے گا۔ وزیر دفاع خواجہ آصف نے ایک   انٹرویو کے دوران سوال کا جواب دیتے ہوئے یہ گارنٹی دی کہ عمران خان کے بچوں کو ملاقات کیلئے پاکستان آنے پر گرفتار نہیں کیا جائے گا ۔ دوسری جانب  وزیر دفاع خواجہ آصف کے بیان پر جمائمہ گولڈ سمتھ نے رد عمل جاری کرتے ہوئے کہا کہ  بچوں کو تو فون پر بھی بات کرنے کی اجازت نہیں ہے، بلکہ کسی کو بھی نہیں ہے ۔