پاکستانی شوبز انڈسٹری کی ابھرتی ہوئی ماڈل اور اداکارہ روما مائیکل نے حال ہی میں اپنے اداکاری کے سفر کا آغاز کیا ہے اور ڈرامہ "اقتدار" میں اپنی پہلی اداکاری کی پیشکش کی ہے۔
ایک پوڈکاسٹ میں گفتگو کرتے ہوئے روما نے اپنی خواہشات اور مستقبل کے منصوبوں کے بارے میں بات کی۔روما نے بتایا کہ انہوں نے "مس گرانڈ انٹرنیشنل" میں شرکت کی تھی کیونکہ وہ بین الاقوامی مارکیٹ میں کام کرنا چاہتی تھیں اور اس کے بعد انہیں دنیا بھر سے کام کی کئی پیشکشیں موصول ہو رہی ہیں۔
جب شاہ رُخ خان کے ساتھ کام کرنے کے سوال پر روما سے پوچھا گیا تو انہوں نے کہا کہ یہ شاندار تجربہ ہوگا، لیکن انہوں نے یہ بھی کہا کہ وہ اس بات کو سمجھتی ہیں کہ شاہ رُخ خان کی عمر زیادہ ہے، اور اس وجہ سے ان کے ساتھ مرکزی کردار میں کام کرنے کا امکان نہیں دیکھتیں۔ 29 سالہ روما نے بتایا کہ وہ اپنے ہم عمر اداکاروں کے ساتھ کام کرنے کو ترجیح دیتی ہیں۔
روما مائیکل، جو کہ "مس ویٹ" کے ذریعے انڈسٹری میں آئیں، حال ہی میں "مس گرینڈ انٹرنیشنل" میں پاکستان کی نمائندگی کرنے کے بعد شدید تنقید کا شکار ہوئی تھیں، خاص طور پر اس وقت جب انہیں ایک راؤنڈ میں بکنی پہننے پر سوشل میڈیا پر ٹرول کیا گیا تھا۔ روما نے اس تنقید کے باوجود اپنی کیریئر میں مزید کامیابیاں حاصل کرنے کی خواہش کا اظہار کیا اور بھارتی پروجیکٹس میں کام کرنے کی خواہش بھی ظاہر کی بشرط یہ کہ حالات سازگار ہوں۔
