وزیرِاعظم شہباز شریف اور چیئرمین پاکستان پیپلز پارٹی بلاول بھٹو زرداری کے درمیان آج اہم ملاقات ہونے جا رہی ہے، جو وزیراعظم ہاؤس میں متوقع ہے۔
بلاول بھٹو زرداری اپنے وفد کے ہمراہ وزیراعظم سے ملاقات کریں گے۔ذرائع کے مطابق ملاقات کا مرکزی ایجنڈا ملک کی موجودہ سیاسی صورتحال پر تفصیلی مشاورت اور تجزیہ ہوگا، جس میں حکومت اور اپوزیشن کے درمیان سیاسی توازن، آئندہ ممکنہ اقدامات اور پارلیمانی امور پر بات چیت کی جائے گی۔مزید برآں، ملاقات میں ایران اور خلیجی ممالک کے درمیان بڑھتی ہوئی کشیدگی، خطے میں سیکیورٹی کی صورتحال، اور پاکستان کی سفارتی حکمت عملی پر بھی تبادلۂ خیال متوقع ہے۔ ملاقات کے دوران دونوں رہنما ممکنہ مشترکہ اقدامات، سفارتی رابطوں اور ملکی مفاد میں حکمت عملی پر غور کریں گے۔یہ ملاقات ایسے وقت میں ہو رہی ہے جب خطے میں سیاسی اور اقتصادی دباؤ بڑھ رہا ہے، اور حکومتی و اپوزیشن رہنما ملک میں استحکام اور بین الاقوامی تعلقات کی بہتری کے لیے ممکنہ لائحہ عمل پر بات چیت کریں گے۔
