پنڈی سے گلگت جانے والی موٹر کار شاہرائے قراقرم پر مٹہ بانڈہ کے قریب کھائی میں گرنے کے نتیجے میں 8 افراد جاں بحق ہوگئے ہیں، جن میں 3 خواتین اور بچے شامل ہیں۔
ریسکیو 1122 کے اہلکاروں نے مقامی رضاکاروں کے ہمراہ موقع پر پہنچ کر لاشیں کھائی سے نکالنے کی کارروائی جاری رکھی ہے۔ حادثے کا شکار ہونے والے تمام افراد ایک ہی خاندان سے تعلق رکھتے ہیں اور ان کا تعلق پنڈی سے ہے۔وزیراعلیٰ سندھ سید مراد علی شاہ نے اس افسوسناک حادثے پر گہرے دکھ اور افسوس کا اظہار کیا ہے۔ انہوں نے کہا کہ انسانی جانوں کا ضیاع دل دہلا دینے والا ہے اور اس سانحے پر انہیں بہت دکھ ہے۔ وزیراعلیٰ نے سوگوار خاندانوں کے ساتھ ہمدردی کا اظہار کرتے ہوئے دعا کی کہ اللہ تعالیٰ انہیں اس غم کو برداشت کرنے کی ہمت دے۔
