پی ٹی آئی سینیٹر سیف اللہ ابڑو کو ریلیف، نااہلی ریفرنس خارج کردیا گیا

اسلام آباد(آئی این پی )پی ٹی آئی  کے  سینیٹر سیف اللہ ابڑو کو بڑا ریلیف مل گیا۔چیئرمین سینیٹ نے  سینیٹر سیف اللہ ابڑو کے خلاف دائر نااہلی ریفرنس خارج کر دیا،سینیٹر کے خلاف نااہلی ریفرنس کو تکنیکی وجوہات کی بنیاد پر خارج کیا گیا ہے۔ذرائع  کے مطابق  سینیٹر سیف اللہ ابڑو کے خلاف دائر ریفرنس پر پارٹی سربراہ کے بجائے پارلیمانی لیڈر نے دستخط کیے تھے، جو ڈیفیکشن کلاز کے تحت ایک بنیادی تکنیکی شرط کے خلاف تھا، ڈیفیکشن کلاز کے تحت نااہلی کے لیے دائر کیے جانے والے ریفرنس پر پارٹی سربراہ کے دستخط ہونا لازم ہوتے ہیں