پاکستان اور برطانیہ کے درمیان تعلقات مزید مستحکم کرنا چاہتے ہیں: گورنر سندھ

   کراچی(آئی این پی )گورنر سندھ کامران خان ٹیسوری نے کہا ہے  پاکستان اور برطانیہ کے درمیان تعلقات کو مزید مستحکم کرنا چاہتے ہیں۔ کامران ٹیسوری سے برطانوی ڈپٹی ہائی کمشنر سارہ مونی کی الوداعی ملاقات ہوئی جس میں پاک برطانیہ تعلقات، تجارتی و سفارتی تعاون اور باہمی دلچسپی کے امور پر تبادلہ خیال کیا گیا۔ملاقات میں کامران ٹیسوری نے گفتگو کرتے ہوئے کہا کہ برطانیہ پاکستان میں تعلیم، تجارت اور سماجی ترقی کا اہم شراکت دار ہے، پاکستان اور برطانیہ کے درمیان تعلقات کو مزید مستحکم کرنا چاہتے ہیں۔