ویمنز آئی پی ایل میں نامور کھلاڑیوں کی علیحدگی کے بعد ٹیموں نے متبادل کھلاڑیوں کا اعلان کر دیا ہے۔
تفصیلات کے مطابق آسٹریلیا کی معروف آل راؤنڈرز ایلیس پیری اور اینابل سدرلینڈ نے ٹورنامنٹ سے دستبرداری اختیار کی ہے۔ ایلیس پیری کو دفاعی چیمپئن رائل چیلنجرز بنگلورو کی نمائندگی کرنا تھی، جبکہ اینابل سدرلینڈ دہلی کیپٹلز کے لیے میدان میں اترنے والی تھیں۔سدرلینڈ کی جگہ آسٹریلوی لیگ اسپنر الانا کنگ کو شامل کیا گیا ہے، جو گزشتہ سیزن میں یو پی واریئرز کے لیے ایک میچ کھیل چکی ہیں۔ پیری کی جگہ بھارت کی آل راؤنڈر سیالی ستگھرے کو اسکواڈ میں شامل کیا گیا ہے، جو تین ون ڈے انٹرنیشنل میچز کھیل چکی ہیں اور مقامی کرکٹ میں نمایاں کارکردگی دکھا چکی ہیں۔اس کے علاوہ، امریکہ کی بائیں ہاتھ کی فاسٹ بولر تارا نورس بین الاقوامی مصروفیات کے باعث ٹورنامنٹ میں حصہ نہیں لے سکیں گی، ان کی جگہ آسٹریلیا کی نوجوان آل راؤنڈر چارلی ناٹ کو ٹیم میں شامل کیا گیا ہے۔
واضح رہے کہ آئی پی ایل کے مینز ایڈیشن سے پہلے بھی جنوبی افریقہ کے فاف ڈوپلیسی, انگلینڈ کے معین علی اور آسٹریلیا کے گلین میکسویل سمیت کئی مشہور کھلاڑیوں نے ٹورنامنٹ سے دوری اختیار کر لی تھی۔یہ دستبرداری ٹیموں کی حکمت عملی اور اسکواڈ میں تبدیلی کے لیے اہم مواقع پیدا کرتی ہے، اور نوجوان کھلاڑیوں کو بین الاقوامی تجربہ حاصل کرنے کا موقع بھی فراہم کرتی ہے۔
