خواتین کو ہراساں کرنے اور قانون کو ہاتھ میں لینے والوں کے خلاف کوئی رعایت نہیں برتی جائے گی۔
انہوں نے واضح کیا کہ پولیس اور قانون نافذ کرنے والے ادارے خواتین کے حقوق کے تحفظ کے لیے مکمل تیار ہیں اور ایسے عناصر کے خلاف سخت کارروائی کی جائے گی۔ایس پی منزہ کرامت کا کہنا ہے کہ معاشرے میں خواتین کو درپیش مسائل اور ان کے حقوق کا تحفظ اولین ترجیح ہے۔ انہوں نے عوام سے بھی اپیل کی کہ وہ کسی بھی قسم کی زیادتی یا ہراساں کرنے کی صورت میں فوری طور پر رپورٹ کریں تاکہ مقدمات درج کر کے کارروائی کی جا سکے۔انہوں نے مزید کہا کہ قانون کی خلاف ورزی کرنے والوں کو قانون کے مطابق سخت سزا دی جائے گی اور کسی کو بھی قانون ہاتھ میں لینے کی اجازت نہیں دی جائے گی۔ پولیس کی یہ کارروائی خواتین کے تحفظ اور سماجی امن و امان کو برقرار رکھنے کے لیے اہم قدم ہے۔ایس پی منزہ کرامت نے عوام سے اپیل کی کہ وہ قانون کا احترام کریں اور خواتین کے حقوق کے تحفظ کے لیے پولیس کے ساتھ تعاون کریں تاکہ ایک محفوظ اور پرامن معاشرہ تشکیل دیا جا سکے۔
