پاکستان کرکٹ ٹیم کا اعلان آج متوقع ہے، جو 19 فروری سے شروع ہونے والی آئی سی سی چیمپئنز ٹرافی اور سہ فریقی ٹورنامنٹ میں شرکت کرے گی۔
سلیکشن کمیٹی نے ابتدائی مشاورت ویسٹ انڈیز کے خلاف ٹیسٹ سیریز کے دوران مکمل کرلی تھی، اور اب چیئرمین پاکستان کرکٹ بورڈ (پی سی بی) محسن نقوی کی حتمی منظوری کے بعد سکواڈ کا اعلان متوقع ہے۔چیمپئنز ٹرافی اور سہ ملکی ون ڈے سیریز کے لیے منتخب کھلاڑیوں کا سکواڈ یکساں ہوگا۔ سہ فریقی ٹورنامنٹ 8 فروری سے شروع ہو رہا ہے، اور اسی سکواڈ کو میگا ایونٹ میں پاکستانی ٹیم کی نمائندگی کے لیے منتخب کیا جائے گا۔یہ سکواڈ بین الاقوامی کرکٹ کے اس اہم ایونٹ میں پاکستان کی نمائندگی کرے گا، اور یہ کرکٹ کے شائقین کے لیے انتہائی پرجوش لمحہ ہوگا کیونکہ پاکستان کی ٹیم چیمپئنز ٹرافی میں بہترین کارکردگی دکھانے کے لیے تیار ہے۔
