بھارتی میڈیا رپورٹس کے مطابق بھارتی کرکٹ بورڈ (BCCI) نے ٹیسٹ فارمیٹ میں بھارتی کرکٹ ٹیم کی کوچنگ کے حوالے سے کچھ داخلی تبادلے پر غور شروع کر دیا ہے۔
افواہوں میں کہا گیا ہے کہ گوتم گمبھیر سے ٹیسٹ ٹیم کی کوچنگ واپس لے لی جا سکتی ہے اور ان کی جگہ سابق عظیم بیٹسمین وی وی ایس لکشمن کو ٹیسٹ ٹیم کی کوچنگ سونپی جا سکتی ہے۔ذرائع کے مطابق، یہ تبدیلی اس لیے زیرِ غور ہے کیونکہ بھارتی ٹیسٹ ٹیم کی حالیہ کارکردگی توقعات کے مطابق نہیں رہی، جس کے باعث کوچنگ میں تبدیلی کی باتیں زور پکڑ رہی ہیں۔ کشمن کو ریڈ بال کرکٹ (ٹیسٹ اور دیگر طویل فارمیٹس) کی کوچنگ کی ذمہ داری دی جا سکتی ہے، جبکہ گمبھیر ٹیم کے لیے محدود ذمہ داری کے ساتھ باقی رہ سکتے ہیں۔
تاہم، BCCI کے سربراہ راجیو شکلا نے ان افواہوں کی تردید کی ہے۔ انہوں نے کہا کہ گوتم گمبھیر کے حوالے سے صرف افواہیں گردش کر رہی ہیں اور بورڈ میں ابھی تک کسی بھی سرکاری فیصلہ یا کسی دوسرے کوچ کو لانے کے لیے کوئی بات نہیں ہوئی۔ راجیو شکلا نے کہا کہ ایسی افواہوں کو بڑھانا درست نہیں اور ٹیم کوچنگ کے حوالے سے کوئی حتمی فیصلہ سامنے نہیں آیا۔موجودہ صورتحال میں یہ واضح نہیں کہ گمبھیر کی کوچنگ برقرار رہے گی یا تبدیلی عمل میں آئے گی، لیکن میڈیا اور شائقین کے درمیان اس موضوع پر بحث جاری ہے۔
