لاہور کا موسم اور فضائی آلودگی
لاہور میں گرمی کی شدت برقرار ہے۔ موجودہ درجہ حرارت 31 ڈگری سینٹی گریڈ ریکارڈ کیا گیا۔ہوا میں نمی کا تناسب 66 فیصد ہے جبکہ 3 کلومیٹر فی گھنٹہ کی رفتار سے ہوائیں چل رہی ہیں۔محکمہ موسمیات کے مطابق آج بھی شہر کا موسم گرم اور مرطوب رہے گا اور بارش کا کوئی امکان نہیں۔
فضائی آلودگی
فضائی آلودگی کے اعتبار سے لاہور دنیا کے آلودہ ترین شہروں میں تیسرے نمبر پر ہے۔
شہر میں فضائی آلودگی کی مجموعی شرح: 184 AQI
مختلف علاقوں میں آلودگی کی سطح:
جی سی یو کے اطراف: 412 AQI
شالیمار لنک روڈ: 225 AQI
بحریہ ٹاؤن: 222 AQI
رائیونڈ روڈ: 212 AQI
سندھ میں بارش کی پیشگوئی
سندھ کے مختلف اضلاع میں آج آندھی اور بارش کا امکان ظاہر کیا گیا ہے۔ان اضلاع میں شامل ہیں: حیدرآباد، میرپورخاص، تھرپارکر، بدین، سجاول اور ٹھٹھہ۔محکمہ موسمیات کے مطابق ان اضلاع کے چند مقامات پر بارش کے امکانات موجود ہیں۔
کراچی کا موسم
کراچی میں درجہ حرارت میں اضافہ متوقع ہے۔آج شہر میں درجہ حرارت 36 ڈگری سینٹی گریڈ تک رہنے کا امکان ہے۔کل پارہ بڑھ کر 38 ڈگری سینٹی گریڈ تک جا سکتا ہے۔محکمہ موسمیات کے مطابق کل شہر کے چند علاقوں میں ہلکی سے درمیانی بارش ہو سکتی ہے، جو گرمی کی شدت میں کچھ کمی لا سکتی ہے۔
