رواں سال سموگ کم ترین سطح پرہے: مریم اورنگزیب

 نومبر میں نیلا آسمان نظر آنا حکومت کی کامیاب پالیسیوں کا ثبوت ہے، مجموعی فضائی حالات مستحکم ہیں
لاہور(سپیشل رپورٹر )پنجاب کی سینئر وزیر مریم اورنگزیب  نے  کہاہے   سموگ اس سال کم ترین سطح پرہے، نومبر میں نیلا آسمان نظر آنا کامیاب پالیسیوں کا ثبوت ہے۔ مریم اورنگزیب نے اپنے بیان میں کہا کہ گوجرانوالہ اور فیصل آباد کی سمت سے معمولی آلودگی کا امکان ہے، فصلیں جلانے کے بجائے پرالی کو بطور ایندھن استعمال کرنے کا رجحان ترتیب دیا گیا ہے، ای پی اے نے 780  تعمیراتی سائٹس پر سپرنکلرز لگائے ہیں۔     انہوں نے کہا کہ حکومت کی مسلسل نگرانی سے مجموعی فضائی حالات مستحکم ہیں،  سموگ  سکواڈز کی روزانہ کارروائیاں جاری ہیں اور فصلوں کی باقیات جلانے پر جرمانے کیے جا رہے ہیں۔