آئر لینڈ کرکٹ ٹیم کے ہیڈ کوچ ہینرک ملان نے اپنے عہدے سے استعفیٰ دینے کا اعلان کر دیا ہے، جس کے بعد کرکٹ آئرلینڈ نے بھی اس پیش رفت کی تصدیق کر دی۔
کرکٹ آئرلینڈ کے مطابق ہینرک ملان گزشتہ چار برس سے قومی ٹیم کی کوچنگ کی ذمہ داریاں نبھا رہے تھے۔ ان کی کارکردگی کو مدنظر رکھتے ہوئے ان کا معاہدہ 2027 کے اوائل تک بڑھایا گیا تھا، تاہم انہوں نے مدت پوری ہونے سے قبل ہی مستعفی ہونے کا فیصلہ کیا۔ہینرک ملان کی قیادت میں آئرلینڈ نے متعدد یادگار کامیابیاں حاصل کیں، جن میں بھارت کے خلاف ٹی ٹوئنٹی سیریز میں وائٹ واش بھی شامل ہے، جسے آئرش کرکٹ کی اہم کامیابیوں میں شمار کیا جاتا ہے۔
اپنے بیان میں ہینرک ملان نے کہا کہ آئرلینڈ کے کھلاڑیوں، کوچنگ اسٹاف اور پوری آئرش کرکٹ فیملی کے ساتھ کام کرنا ان کے لیے باعثِ اعزاز رہا۔ انہوں نے کہا کہ ٹیم کے ساتھ گزارا گیا وقت ان کے کیریئر کا یادگار باب ہے اور اس دوران کئی تاریخی کامیابیاں حاصل کی گئیں۔کرکٹ آئرلینڈ کی جانب سے تاحال نئے ہیڈ کوچ کے تقرر سے متعلق کوئی اعلان نہیں کیا گیا، تاہم توقع ہے کہ بورڈ جلد ہی اس حوالے سے مشاورت مکمل کرکے نئے کوچ کا تقرر کرے گا۔
