پاکستان کی معروف اداکارہ صبا قمر نے حال ہی میں اپنے مداحوں کو اپنے صحت کے بارے میں آگاہ کیا کہ وہ شدید بیمار ہوگئی ہیں۔
انسٹاگرام پر ایک پوسٹ شیئر کرتے ہوئے انہوں نے بتایا کہ انہیں شدید اسہال کی تشخیص ہوئی ہے اور اس وقت وہ اسپتال میں زیر علاج ہیں۔صبا قمر نے اپنی انسٹاگرام اسٹوری پر ایک تصویر شیئر کی، جس میں وہ اسپتال کے بستر پر لیٹی ہوئی ہیں اور ان کے گرد دوست و رشتہ دار موجود ہیں۔ پوسٹ کے کیپشن میں انہوں نے لکھا کہ "میں جانتی ہوں کہ آپ میں سے بہت سے لوگ میرے بارے میں فکرمند تھے، اور میں آپ کو بتانا چاہتی ہوں کہ مجھے شدید اسہال تھا، لیکن الحمدللہ، میں اب بہت بہتر محسوس کر رہی ہوں۔"انہوں نے مزید کہا کہ وہ صحت یاب ہونے کے مرحلے میں ہیں اور ان کی ٹیم ان کا بھرپور خیال رکھ رہی ہے۔
صبا قمر نے اپنے مداحوں کا شکریہ ادا کیا اور کہا کہ "آپ کی دعائیں اور محبت میرے لیے بہت اہم ہیں، اور میں وعدہ کرتی ہوں کہ بہت جلد واپس آؤں گی۔"انہوں نے اپنی پچھلی پوسٹ میں یہ بھی ذکر کیا تھا کہ وہ سوشل میڈیا سے تھوڑا وقت لے کر خود کو ریچارج کرنے کی کوشش کر رہی ہیں۔ اس دوران، شوبز انڈسٹری کے دوست اور ساتھی بھی اسپتال میں ان کی عیادت کے لیے آئے تھے۔صبا قمر کی یہ پوسٹ ان کے مداحوں کے لیے اطمینان کا باعث بنی، اور ان کے لیے دعاؤں کا سلسلہ شروع ہوگیا ہے۔
