بلاول بھٹو کو کوئی ایشو ہے تو ہمیں بلائیں: رانا ثنااللہ

پی ٹی آئی 26 نومبر کو جو راستہ سڑک سے نکالنا چاہتی تھی، نہ پہلے نکلا نہ آئندہ نکلے گا
پی ٹی آئی نے مذاکرات میں نہ آکر غلطی کی‘ آئندہ الیکشن 2029 تک انتظار کریں گے
اسلام آباد (آئی این پی)وزیراعظم کے مشیر رانا ثنا اللہ نے کہا ہے  پیپلز پارٹی کو پنجاب میں سیاست کرنے کا حق ہے، اگر بلاول بھٹو کو کوئی ایشوز پتا ہیں تو ہمیں بلائیں۔اسلام آباد میں میڈیا سے گفتگو کرتے ہوئے انہوں نے کہا  26 نومبر کو جب اپوزیشن ریلی پشاور سے چلی تب سے گولی چل رہی تھی چونگی نمبر 26 پر گولی کس نے چلائی؟ جس سے سیکیورٹی اہلکار شہید ہوئے۔ انہوںنے کہا  اگر عمران خان کہتے میاں صاحب کے ساتھ بیٹھیں گے تو یقین دلاتا ہوں میاں صاحب کی جانب سے مثبت جواب آتا، عجیب و غریب تبصرہ کیا گیا  میاں صاحب بارہویں کھلاڑی بن گئے۔انہوں نے کہا  26 نومبر کو جو راستہ سڑک سے نکالنا چاہتے تھے نہ پہلے نکلا نہ آئندہ نکلے گا، اگر اس بات کو اب بھی نہ سمجھیں گے تو اپنا اور جمہوریت کا نقصان کریں گے۔ان کا کہنا تھا کہ راستہ جب بھی نکلنا ہے وہ مذاکرات کی ٹیبل سے نکلنا ہے 25 نومبر کو اگر سنگجانی بیٹھ جاتے تو مذاکرات سے راستہ نکل آتا۔انہوں نے کہا کہ پی ٹی آئی نے دوبارہ آج غلطی کی کہ مذاکرات سے باہر ہوئے، پی ٹی آئی کا انتظار آئندہ الیکشن 2029 تک کریں گے، وزیراعظم نے بھی مذاکرات کا راستہ اپنانے کا کہا ہے، پی ٹی آئی اپنی بات پر قائم رہے لیکن مذاکرات کا بائیکاٹ نہیں کرنا چاہیے تھا۔