برازیل کے نجومی اتھوس سالومے نے پیش گوئی کی ہے کہ ڈچس آف سسیکس، میگھن مارکل، آئندہ برسوں میں اپنی زندگی کے ایک غیر یقینی اور اتار چڑھاؤ سے بھرپور دور سے گزریں گی۔
اتھوس سالومے نے کہا کہ مستقبل قریب میں میگھن اور پرنس ہیری کے درمیان کام کی سطح پر علیحدگی دیکھنے میں آ سکتی ہے، تاہم اس کا مطلب یہ نہیں کہ ان کے ازدواجی تعلقات میں کوئی خاتمہ ہوگا۔ نجومی کے مطابق یہ پیشہ ورانہ فاصلے کا مرحلہ ہے، جس میں دونوں ایک دوسرے سے پیشہ ورانہ طور پر کچھ فاصلہ اختیار کر سکتے ہیں۔اتھوس سالومے نے یہ بھی کہا کہ میگھن کے شاہی خاندان کے ساتھ تعلقات کشیدہ رہیں گے، اور انہیں سابق شاہی عملے یا قریبی افراد کی جانب سے سخت تنقید یا ممکنہ انکشافات کا سامنا کرنا پڑ سکتا ہے۔ اس کے نتیجے میں وہ 2026ء کے دوران کچھ عرصے کے لیے عوامی منظرنامے سے غائب ہو سکتی ہیں۔نجومی کے مطابق سال 2026ء کے اختتام تک میگھن ایک نئے انداز میں واپس آئیں گی اور اس بار ان کی توجہ سماجی مسائل، خاص طور پر لڑکیوں کی تعلیم اور ذہنی صحت پر مرکوز ہوگی۔
اتھوس سالومے کون ہیں؟
اتھوس سالومے ایک برازیلی ماہر نفسیات اور نجومی ہیں، جنہیں ’زندہ نوسٹرے ڈیمس‘ بھی کہا جاتا ہے۔ انہوں نے عالمی سطح پر اہم واقعات، جیسے COVID-19 اور ملکہ الزبتھ دوم کے انتقال کی پیش گوئی کرنے کا دعویٰ کیا ہے۔
