بیٹے کی فائرنگ سے زخمی جمعیت علمائے اسلام (ف) کے سینئر رہنما مولانا کفایت انتقال کرگئے

پشاور(مانیٹرنگ ڈیسک)خیبر پختونخوا کے ضلع ملاکنڈ کی تحصیل بٹ خیلہ میں بیٹے کی فائرنگ سے زخمی ہونے والے جمعیت علمائے اسلام  (ف) کے سینئر رہنما مولانا کفایت اللہ انتقال کرگئے۔مفتی کفایت اللہ پشاورکے بعد اسلام آباد کے اسپتال میں زیر علاج تھے، جے یو آئی سربراہ مولانا فضل الرحمان نے جے یو آئی مالاکنڈ کے امیر مفتی کفایت اللہ کی  وفات پر اظہار افسوس کرتے ہوئے کہا کہ اللہ کریم مرحوم کی ہمہ جہت خدمات کو شرف قبولیت عطاء￿  فرمائے۔اپنے ایک جاری بیان میں مولانا فضل الرحمان  نے کہا کہ مرحوم کی دعوتی اور جماعتی خدمات یاد رکھی جائیں گی، مرحوم کے اہل خانہ سے اظہار تعزیت کرتا ہوں، اللہ کریم لواحقین کو صبر جمیل عطاء￿  فرمائے۔