عمران خان کو رات گئے پمز ہسپتال منتقل کیا گیا، فیملی کو طبی سہولیات سے لاعلم رکھا گیا:سلمان اکرم راجہ

اسلام آباد میں میڈیا سے گفتگو کرتے ہوئے، سلمان اکرم راجہ نے کہا کہ بانی پی ٹی آئی کو رات کی تاریکی میں پمز ہسپتال لایا گیا ہے، اور ہسپتال میں کیا ہوا کسی کو معلوم نہیں ہے۔

انہوں نے بتایا کہ بانی پی ٹی آئی کی فیملی اور پارٹی رہنما ان کی طبی سہولیات سے مکمل لاعلم ہیں، اور اس بات کو نظر انداز نہیں کیا جا سکتا۔  انہوں نے مزید کہا کہ 2024 میں ہائی کورٹ سے بانی پی ٹی آئی کے حوالے سے ملاقاتوں کا فیصلہ آیا تھا، لیکن اس کے بعد کسی تسلسل سے ملاقات نہیں ہوئی۔ بانی پی ٹی آئی کی بہنوں سے بھی دسمبر کے بعد کوئی ملاقات نہیں ہوئی۔ وہ چیف جسٹس پاکستان سے درخواست کرتے ہیں کہ کیسز کے حوالے سے اپیل سنی جائے۔  سلمان اکرم راجہ نے اس بات پر افسوس کا اظہار کیا کہ آج چاربھ سال مکمل ہو گئے ہیں، اور 2024 کا الیکشن چُھپایا گیا ہے۔ انہوں نے کہا کہ عدلیہ کی صورتحال صرف چھبیسویں اور ستائیسویں ترمیم کی وجہ سے ہے، اور عام آدمی مہنگائی میں پس رہا ہے۔  
اسد قیصر نے کہا کہ بانی پی ٹی آئی کے ساتھ انتہائی ناروا سلوک کیا جا رہا ہے، اور ان کے حقوق نہیں دیے جا رہے۔ انہوں نے کہا کہ ہمارا ملک اب ایک ریپبلک بن گیا ہے، جہاں منتخب نمائندے بغیر عوام کے ووٹ کے آتے ہیں اور طاقتور کے مطابق قانون سازی کرتے ہیں۔ انہوں نے کہا کہ جب ان کی حکومت ختم ہوئی تھی، اس وقت معیشت بہتر تھی، مگر آج کسان اور مزدور سب پریشان ہیں۔