پاکستان نے ایشین بیچ گیمز ریسلنگ مقابلوں میں دو سلور میڈلز جیت لیے، تاہم فائنل میں ایرانی ریسلرز سے شکست کا سامنا کرنا پڑا۔
چین کے شہر ثانیہ میں جاری اس مقابلے میں، پاک آرمی کے اسد اللہ نے 80 کلو گرام کیٹیگری اور انعام بٹ نے 90 کلو گرام کیٹیگری میں سلور میڈلز حاصل کیے۔ اس سے قبل، پاکستانی پہلوانوں نے شاندار کارکردگی کا مظاہرہ کرتے ہوئے سیمی فائنلز میں میزبان چین اور منگولیا کے حریفوں کو شکست دی تھی، جس کی بدولت وہ فائنل میں جگہ بنانے میں کامیاب ہوئے۔
