ویب ڈیسک: بھارت کے فرید آباد میں 19 سالہ طالبعلم نے مصنوعی ذہانت سے تیار کردہ جعلی تصاویر اور ویڈیوز کے ذریعے بلیک میل کیے جانے کے سبب خودکشی کر لی ہے۔
نوجوان پر مبینہ طور پر دو ملزمان نے 20,000 روپے کا مطالبہ کیا اور دھمکی دی کہ اگر رقم نہ دی گئی تو جعلی مواد آن لائن شیئر کر دیا جائے گا۔متوفی بی کام کا طالبعلم تھا اور پچھلے 10 دنوں سے ہراسانی اور ذہنی دباؤ کا سامنا تھا۔ پولیس کے مطابق ملزمان نے اس کے موبائل فون ہیک کر کے جعلی مواد تیار کیا اور اسے دھمکیاں دیں۔ نتیجے میں اس نے ہفتہ کی شام زہر پی کر خودکشی کر لی۔پولیس مقدمہ درج کر کے ملزمان کی تلاش میں ہے اور جعلی مواد کی تخلیق کے طریقہ کار کا جائزہ لے رہی ہے۔ اہل خانہ اور حکام اس واقعہ کی تحقیقات جاری رکھے ہوئے ہیں۔
