نوشہرو فیروز میں لڑکی کی لاش ملنے کے معاملے پر میڈیکل سپرنٹنڈنٹ (ایم ایس) کنڈیارو سول اسپتال ڈاکٹر رفیق کا مؤقف سامنے آگیا ہے۔
ایم ایس اسپتال کا بیان
ڈاکٹر رفیق کے مطابق:متاثرہ لڑکی کو کل صبح بے ہوشی کی حالت میں اسپتال لایا گیا۔رشتے داروں نے بتایا کہ لڑکی نے زہریلی گولیاں کھالی تھیں۔طبیعت بہتر ہونے پر اسے گمبٹ اسپتال ریفر کیا گیا۔گزشتہ رات لڑکی کو دوبارہ اسپتال لایا گیا تو وہ فوت ہوچکی تھی۔
پوسٹ مارٹم اور لیب رپورٹ
ایم ایس نے مزید بتایا کہ:محبت ڈیرو پولیس نے پوسٹ مارٹم کے لیے لیٹر جاری کیا۔لاش سے نمونے لے کر لیب بھیج دیے گئے ہیں۔ابتدائی رپورٹ کل صبح تک جاری ہوگی۔
پہلے سامنے آنے والی معلومات
اس سے قبل یہ خبر سامنے آئی تھی کہ:لڑکی کو گزشتہ روز اغواء کیا گیا تھا اور اس کی لاش گھر کے سامنے ملی۔اہلخانہ کے مطابق دو ہفتے قبل لڑکی کو رشتے دار نے زیادتی کا نشانہ بنایا۔معاملہ وڈیرے کے پاس فیصلے کے لیے گیا اور فیصلہ ہونے تک لڑکی کو وڈیرے کے گھر پر رکھا گیا۔لڑکی کی نانی نے الزام عائد کیا کہ ملزمان نے اغواء کے بعد زہر دے کر قتل کیا۔
