ویب ڈیسک: جیکب آباد کے قریب ریلوے ٹریک پر دھماکے سے جعفر ایکسپریس متاثر ہوئی، واقعے میں خوش قسمتی سے کوئی جانی نقصان نہیں ہوا۔
دھماکے کی تفصیلات:
ریلوے ذرائع کے مطابق دھماکا صبح 10 بج کر 20 منٹ پر سلطان کوٹ اور جیکب آباد کے درمیان ہوا۔دھماکے کی زد میں آ کر جعفر ایکسپریس کی 3 بوگیاں پٹری سے اتر گئیں۔
امدادی کارروائیاں:
دھماکے کے بعد امدادی ٹیمیں فوری طور پر موقع پر روانہ کر دی گئیں۔زخمیوں کو فوری طبی امداد دینے کے لیے اسپتالوں میں ایمرجنسی نافذ کر دی گئی۔
وزیراعلیٰ سندھ کا نوٹس:
وزیراعلیٰ سندھ مراد علی شاہ نے واقعے کا سخت نوٹس لیتے ہوئے تحقیقات کا حکم دیا۔انہوں نے کہا کہ دھماکے کے ذمہ داروں کو قانون کے کٹہرے میں لایا جائے گا اور ریاست کے خلاف کارروائی کرنے والوں کو معاف نہیں کیا جائے گا۔
ریلوے انتظامیہ کا مؤقف:
حکام کے مطابق متاثرہ ٹریک کی مرمت کے لیے فوری طور پر کام شروع کر دیا گیا ہے تاکہ ٹرین سروس بحال کی جا سکے۔
