لاہور کی احتساب عدالت میں چوہدری پرویز الہٰی اور دیگر ملزمان کیخلاف گجرات ترقیاتی منصوبوں میں کرپشن اور کک بیکس ریفرنس پر سماعت ہوئی۔
احتساب عدالت کے ڈیوٹی جج ندیم گلزار نے کیس کی سماعت کی، جس میں:سابق پرنسپل سیکرٹری پنجاب اسمبلی محمد خان بھٹی حاضری کے لیے عدالت میں پیش ہوئے۔پرویز الہٰی کی جگہ ان کے پلیڈر مختیار احمد رانجھا نے حاضری لگوائی۔عدالت پہلے ہی پرویز الہٰی کو بیماری کے باعث حاضری سے مستقل استثنیٰ دے چکی ہے۔عدالت میں ریفرنس کے دیگر شریک ملزمان بھی پیش ہوئے اور ٹرائل کے لیے حاضری مکمل کی گئی۔ پرویز الہٰی کی جانب سے جاوید ارشد بھٹی ایڈووکیٹ بھی پیش ہوئے۔
الزامات:
نیب کے دائر کردہ ریفرنس کے مطابق:پرویز الہٰی اور دیگر ملزمان پر ترقیاتی منصوبوں میں رشوت اور کک بیکس لینے کا الزام ہے۔عدالت پہلے ہی تمام ملزمان پر فردِ جرم عائد کر چکی ہے۔
آئندہ کارروائی:
احتساب عدالت نے کیس کی مزید سماعت 16 ستمبر تک ملتوی کر دی۔
