راولپنڈی کے تھانہ روات کے علاقے میں ٹرک اور کار کے درمیان خوفناک تصادم کے نتیجے میں 4 افراد جاں بحق ہو گئے۔
حادثے کی تفصیلات:
حادثہ تیز رفتاری کے باعث پیش آیا، جس میں ٹرک اور کار آمنے سامنے سے ٹکرا گئے۔جاں بحق ہونے والوں میں دو خواتین بھی شامل ہیں۔واقعے کی اطلاع ملتے ہی پولیس اور امدادی ٹیمیں فوری طور پر موقع پر پہنچ گئیں۔جاں بحق افراد کی لاشوں کو قریبی اسپتال منتقل کر دیا گیا۔
جاں بحق افراد کی شناخت:
پولیس کے مطابق حادثے میں جاں بحق ہونے والوں کی شناخت درج ذیل ناموں سے ہوئی:
جنید احمد
صباء
مس وقار
محمد جنید
پولیس کی کارروائی:
حادثے کے بعد ٹرک ڈرائیور موقع سے فرار ہو گیا۔پولیس کے مطابق ٹرک چک بیلی کی جانب سے آ رہا تھا، جبکہ کار میں سوار افراد روات سے چک بیلی جا رہے تھے۔ٹرک ڈرائیور کی تلاش کے لیے تحقیقات شروع کر دی گئی ہیں۔
