شناختی کارڈ نہ بنوانے پر 6 ماہ قید بامشقت یا 50 ہزار روپے جرمانہ

عمر 18سال ہونے پر 90 دن کے اندر شناختی کارڈ بنوانے کیلئے  درخواست دینا ضروری ہوگا ورنہ سزا ہوگی:نادرا کی ہدایات
اسلام آباد(آئی این پی )نادرا کی جانب سے شہریوں کو سختی سے ہدایت کی گئی ہے  کہ پاکستان میں ہر شہری کے لیے 18 سال کی عمر مکمل کرنے پر قومی شناختی کارڈکا حصول لازمی ہے۔ جاری بیان کے مطابق نادرا آرڈیننس 2000 کے سیکشن 9 (1) کے تحت 18 سال کی عمر کے بعد 90 دن کے اندر شناختی کارڈ کے لیے درخواست دینا ضروری ہے۔بروقت درخواست نہ دینے پر نادرا آرڈیننس کے سیکشن 30 (e) کے مطابق 6 ماہ تک قید بامشقت یا 50,000 روپے تک جرمانہ یا دونوں سزائیں ہو سکتی ہیں۔