تہران: ایرانی وزیر خارجہ عباس عراقچی نے کہا ہے کہ قطر کے وزیراعظم و وزیر خارجہ کے ساتھ ہونے والی بات چیت تعمیری اور مثبت رہی ہے، اور ان کے مطابق سفارت کاری کو دوبارہ درست سمت میں لانا اب بھی ممکن ہے۔
عراقچی کے مطابق، مذاکرات اور سفارتی کامیابی کے لیے امریکا کو یہ سمجھنا ہوگا کہ دباؤ کی پالیسی مؤثر نہیں ہے۔ انہوں نے زور دیا کہ ایران چاہتا ہے کہ امریکا باہمی اعتماد بحال کرنے کے لیے احترام کے ساتھ بات چیت کرے، اپنے حقوق کو تسلیم کرے، اور اپنے وعدوں اور معاہدوں کی پاسداری کرے۔ایرانی مؤقف کے مطابق، اگر امریکا دباؤ کی حکمت عملی چھوڑ کر اعتماد سازی اور باعزت سفارت کاری کا راستہ اپنائے، تو دونوں ممالک کے درمیان مذاکرات اور سفارتی عمل کو دوبارہ آگے بڑھانا ناممکن نہیں ہے۔مذاکراتی ذرائع کے مطابق، ایران اور امریکا کے درمیان حالیہ دنوں میں کچھ مثبت بات چیت ہوئی ہے، اور دونوں طرف سے کشیدگی کم کرنے اور تعلقات بہتر بنانے کے امکانات پر غور کیا جا رہا ہے۔
