اسلام آباد ہائیکورٹ کے جسٹس محسن اختر کیانی نے پی ٹی اے ٹربیونل کے ممبر فنانس کی عدم تعیناتی پر وزیراعظم شہباز شریف کو 18 مئی کو ذاتی حیثیت میں پیش ہونے کا حکم دے دیا۔
عدالت نے استفسار کیا کہ وزیراعظم خود آ کر وضاحت کریں کہ ٹربیونل کے ممبر فنانس کی تعیناتی کیوں نہیں ہوئی۔ اس کے علاوہ، سیکرٹری اور سیکرٹری کیبنٹ کو بھی عدالت میں پیش ہونے کی ہدایت کی گئی ہے۔ اسسٹنٹ اٹارنی جنرل نے بتایا کہ ایک ریٹائرڈ جج کو ٹربیونل کے ممبر کے طور پر تعینات کیا گیا ہے۔ جس پر جسٹس محسن اختر کیانی نے سخت ریمارکس دیے کہ ریٹائرڈ ججز کا زیادہ شوق ٹربیونلز میں شامل ہونے کا ہوتا ہے، اور ان کے رویے پر تنقید کی۔ انہوں نے کہا کہ ریٹائرڈ ججز اکثر رات کو یاد آتے ہیں اور سونے نہیں دیتے، اور بعض لوگ این آر سی یا دیگر ٹربیونلز میں جانے کا راستہ اپناتے ہیں۔
