ویب ڈیسک:امریکی ٹیکنالوجی کمپنی ٹیسلا کے بانی ایلون مسک کے بچوں کی تعداد کے حوالے سے سوالات اٹھنے لگے ہیں۔
امریکی صحافی الزبتھ بروئنیگ نے انکشاف کیا ہے کہ ایلون مسک کے کم از کم 14 بچے ہیں، تاہم کچھ ذرائع کے مطابق یہ تعداد 100 سے زائد ہو سکتی ہے۔الزبتھ بروئنیگ نے پوڈکاسٹ سینیٹی میں گفتگو کرتے ہوئے کہا کہ ایلون مسک اپنے تعلقات اور بچوں کے بارے میں معلومات کو خفیہ رکھنے کے لیے ماؤں سے رازداری کے معاہدے (NDA) کراتے ہیں اور اس کے بدلے مالی ادائیگیاں بھی کرتے ہیں۔ ان کے مطابق مسک اب تک کم از کم 4 خواتین سے والد بن چکے ہیں، اور حالیہ رپورٹس میں 5ویں خاتون ایشلے سینٹ کلیئر کا بھی نام سامنے آیا ہے۔
نئی تفصیلات:
رپورٹ میں یہ الزام عائد کیا گیا ہے کہ ایشلے سینٹ کلیئر کو خاموش رہنے کے بدلے 1 کروڑ 50 لاکھ ڈالر کی رقم اور ماہانہ ایک لاکھ ڈالر کے اخراجات دیے گئے۔ اس طرزِ عمل پر تجزیہ کاروں نے تحفظات کا اظہار کیا ہے اور اسے ایلون مسک کے "خاندانی اقدار" کے دعووں کے منافی قرار دیا ہے۔
ایلون مسک کے بچوں کی تفصیلات:
ایلون مسک کے معروف بچوں میں ان کی سابقہ اہلیہ جسٹین ولسن، موسیقار گریمس، اور نیورالنک ایگزیکٹو شیوان زیلس سے ہونے والے بچے شامل ہیں۔ ان کی ذاتی زندگی اور بچوں کی تعداد کے بارے میں مختلف تفصیلات سامنے آتی رہی ہیں، تاہم یہ ابھی تک واضح نہیں ہو سکا کہ اصل تعداد کتنی ہے۔
