عالمی مسابقت کی تیزی اور مندی کے چکروں کو ختم کرنے کے لیے بنیادی حیثیت ہے‘ گورنر اسٹیٹ بینک

بہتر استحکام کا ایک اہم ستون بیرونی بفرز کا معیاری مضبوط ہونا ہے‘ ’معیشت پر مذاکرات‘ کے اجلاس سے خطاب
کراچی (آن لائن)بینک دولت پاکستان (ایس بی پی) کے گورنر جمیل احمد نے زور دیا ہے کہ پاکستان کو قلیل مدتی معاشی استحکام کی کوششوں  کے بجائے ہنگامی بنیادو ں پر ایک مضبوط، پائیدار اور بیرونی دنیا سے مربوط معاشی نمو کے ماڈل  پر منتقل ہونا چاہیے۔ پاکستان بزنس کونسل  (پی بی سی) کے ’معیشت پر مذاکرات‘ کے افتتاحی اجلاس کے موقع پر جمیل احمد  نے اس بات کو اجاگر کیا کہ  پاکستان بار بار معاشی نمو  اور اس کے بعد استحکام کے تکلیف دہ اقدامات کے ادوار سے گذر  چکا ہے، اور موجودہ  حالات طویل مدتی  تبدیلی لانے کا   حقیقی موقع فراہم کرتے ہیں، بشرطیکہ پالیسیوں میں تسلسل برقرار رہے اور نجی شعبہ حالات سے مطابقت  کے لحاظ سے  ہراول دستے کا کردار ادا کرے۔جمیل احمد نے وضاحت کی کہ موجودہ استحکام کا مرحلہ گذشتہ ادوار سے کیوں مختلف ہے۔ انہوں نے بتایا کہ اب  کلی معاشی نظم و ضبط ہم آہنگ اور مستقبل  بین زری اور مالیاتی پالیسیوں کے ذریعے مستحکم ہوا ہے