ڈپٹی اسپیکر پنجاب اسمبلی ظہیر اقبال چنڑ حج کی سعادت حاصل کرنے کے لیے سعودی عرب روانہ ہو گئے ہیں۔
وہ فریضۂ حج کی ادائیگی کے بعد 15 جون کو وطن واپس آئیں گے۔پارلیمانی ذرائع کے مطابق ظہیر اقبال چنڑ نے روانگی سے قبل ایوان میں اپنے فرائض کی انجام دہی مکمل کی اور ارکانِ اسمبلی و سیاسی رفقاء سے دعاؤں کی درخواست کی۔ ان کے قریبی حلقوں کا کہنا ہے کہ وہ اپنے قیام کے دوران روحانی عبادات اور دعاؤں میں مصروف رہیں گے۔ظہیر اقبال چنڑ کا شمار پنجاب اسمبلی کے فعال ارکان میں ہوتا ہے اور وہ حال ہی میں ڈپٹی اسپیکر کے طور پر منتخب ہوئے تھے۔ ان کے حج کے سفر پر روانہ ہونے پر ساتھی ارکانِ اسمبلی اور دیگر سیاسی و سماجی شخصیات نے نیک تمناؤں کا اظہار کیا ہے۔
