پاکستانی اسٹیج اور فلم انڈسٹری کی سابق معروف اداکارہ دیدار نے حالیہ گفتگو میں ساتھی اداکارہ ریشم کے حوالے سے سخت مؤقف اختیار کیا اور ان پر کئی سنجیدہ الزامات عائد کیے ہیں۔
ایک نجی ٹی وی کے عید خصوصی پروگرام میں شرکت کے دوران دیدار نے بے باک انداز میں کہا کہ ریشم صرف ڈراموں اور فلموں میں ہی نہیں بلکہ ذاتی زندگی میں بھی منفی طرزِ عمل رکھتی ہیں اور کئی افراد کے مسائل کی وجہ بنی ہیں۔گفتگو کے دوران انہوں نے اداکارہ نرگس کا ذکر کرتے ہوئے کہا کہ وہ باصلاحیت فنکارہ ہیں، تاہم اگر منفی کرداروں کی بات کی جائے تو ریشم اس پہلو کو غیر معمولی انداز میں پیش کرتی ہیں۔
دیدار نے انکشاف کیا کہ ماضی میں ان کی ریشم کے ساتھ قریبی دوستی رہی، لیکن وقت کے ساتھ ان کا تجربہ ناخوشگوار رہا جس کے بعد ان کے خیالات بدل گئے۔ انہوں نے ریشم کے موجودہ قریبی افراد کو محتاط رہنے کی ہدایت بھی دی۔انہوں نے یہ بھی تسلیم کیا کہ ریشم فلاحی کاموں اور مثبت سرگرمیوں میں حصہ لیتی رہی ہیں، مگر ان کے مطابق ان کی شخصیت کا دوسرا رخ زیادہ غالب ہے۔
