پاکستان کی وفاقی کابینہ نے دو اہم صدارتی آرڈیننسز کی منظوری دی ہے جن میں مدارس رجسٹریشن ترمیمی آرڈیننس اور سوسائٹیز رجسٹریشن ترمیمی آرڈیننس شامل ہیں۔
وزیرِ اعظم شہباز شریف کی زیرِ صدارت ہونے والے اجلاس میں انکم ٹیکس آرڈیننس بھی منظور کیا گیا۔ اس آرڈیننس کے تحت بینکوں کے 70 ارب روپے کے اضافی منافع پر ٹیکس وصول کیا جائے گا۔مدارس رجسٹریشن کے حوالے سے ترمیمی آرڈیننس کا مقصد مدارس کی رجسٹریشن کے عمل کو بہتر بنانا اور شفافیت کو یقینی بنانا ہے، جبکہ سوسائٹیز رجسٹریشن ترمیمی آرڈیننس کی منظوری کے ذریعے سوسائٹیز کے معاملات میں بھی مزید قانون سازی کی جائے گی۔انکم ٹیکس آرڈیننس کا مقصد بینکوں کی اضافی آمدنی پر ٹیکس عائد کرنا ہے، جس کے تحت بینکوں سے 70 ارب روپے کی اضافی منافع پر ٹیکس وصول کیا جائے گا، تاکہ حکومت کی مالی حالت میں بہتری آئے اور قومی خزانے کو فائدہ ہو۔
