سکھر کے علاقے سٹی پوائنٹ پر ایک افسوسناک واقعہ پیش آیا جہاں ایک پیٹرول پمپ پر مبینہ ڈکیتی اور فائرنگ کا واقعہ رونما ہوا ہے۔
پولیس کے مطابق، یہ واقعہ اُس وقت پیش آیا جب پیٹرول پمپ کا ملازم اور سیکیورٹی گارڈ رقم بینک میں جمع کروانے جا رہے تھے۔ ڈکیتی کے دوران ملزمان نے مزاحمت کرنے پر فائرنگ کی، جس کے نتیجے میں ملازم اور سیکیورٹی گارڈ زخمی ہو گئے۔ ملزمان نے اس دوران لاکھوں روپے لوٹ کر موقع سے فرار ہونے میں کامیابی حاصل کی۔ پولیس نے بتایا ہے کہ ملزمان کی تلاش جاری ہے اور تحقیقات کے لیے ٹیمیں تشکیل دی گئی ہیں تاکہ جلد سے جلد ملزمان کو گرفتار کیا جا سکے۔یہ واقعہ علاقے میں خوف و ہراس کی فضا پیدا کر گیا ہے اور عوامی حلقوں کا مطالبہ ہے کہ فوری کارروائی کی جائے۔
