لاٹھی، گولی سے ملک نہیں چلتے، گرینڈ ڈائیلاگ حل ہے: فواد چودھری

ایک قدم عمران خان، دو قدم حکومت اور اسٹیبلشمنٹ پیچھے کی طرف لے:سابق وفاقی وزیر
  اسلام آباد(آئی این پی )سابق وفاقی وزیر فواد چودھری نے کہا ہے  لاٹھی،گولی سے ملک نہیں چلتے، گرینڈ سیاسی ڈائیلاگ حل ہے ۔ ایک انٹرویو  میں پی ٹی آئی کے احتجاج کے حوالے سے گفتگو کرتے ہوئے فواد چودھری کا کہنا تھا  ٹیسٹ میچ کی اننگزکا ابھی آغاز ہے، جب ہجوم اکٹھا ہوگیا تو پھر کسی کی نہیں سنے گا، ملک میں پرامن احتجاج کی اجازت نہیں دی جارہی ہے۔انہوں نے کہا کہ بانی پی ٹی آئی کے تین مطالبات ہیں، سیاسی قیدیوں کی رہائی ہونی چاہیے،راستہ گرینڈ سیاسی ڈائیلاگ ہونا چاہیے،عمران خان سمیت تمام سیاسی قیدیوں کی رہا کردیا جائے۔سابق وفاقی وزیر کا کہنا تھا کہ عمران خان کی رہائی کے بعد گرینڈ سیاسی ڈائیلاگ ہونا چاہیے اور اداروں کوبھی شامل کرنا چاہیے، اگربانی پی ٹی آئی محمود اچکزئی، مولانا کے ساتھ بات چیت کر سکتے ہیں تو نوازشریف، زرداری سے بھی ہونی چاہیے