پاکستانی نوجوان کرکٹر خواجہ نافع نے حال ہی میں اپنی صلاحیتوں سے بین الاقوامی کرکٹ حلقوں میں مداح پیدا کر لیے ہیں۔
23 سالہ نافع کو پہلی بار ٹی ٹوئنٹی ورلڈکپ کے لیے اسکواڈ میں شامل کیا گیا ہے، اور انہوں نے رواں ماہ سری لنکا کے خلاف ٹی ٹوئنٹی انٹرنیشنل ڈیبیو میچ میں 15 گیندوں پر 26 رنز بنائے تھے، جس سے ان کی تیز رفتاری اور کھیل کی سمجھ کا مظاہرہ ہوا۔سوشل میڈیا پر بھارتی اسپنر روی چندرن ایشون نے خواجہ نافع کی تعریف کرتے ہوئے کہا کہ نافع ایسا کھلاڑی ہے جو ورلڈکپ میں قابل دید پرفارمنس دکھا سکتا ہے۔ اسی طرح جنوبی افریقی اسپنر تبریز شمسی نے بھی نافع کی صلاحیتوں کو سراہا اور انہیں ٹی ٹوئنٹی ورلڈکپ کا ممکنہ “سرپرائز پیکج” قرار دیا۔
تبریز شمسی نے بتایا کہ انہوں نے گلوبل سپر لیگ کے دوران نافع کے ساتھ وقت گزارا ہے اور وہ ایک محنتی، خوش اخلاق اور بڑے عزائم رکھنے والا کھلاڑی ہے۔ دونوں عالمی کھلاڑیوں کی تعریف نے خواجہ نافع کی قابلیت اور مستقبل میں عالمی سطح پر پرفارم کرنے کی صلاحیت پر اعتماد بڑھا دیا ہے۔یہ تعریفیں خاص طور پر اس لیے اہم سمجھی جا رہی ہیں کیونکہ بھارت اور جنوبی افریقا جیسے کرکٹ طاقتور ممالک کے کھلاڑی بھی نوجوان پاکستانی کھلاڑی کی صلاحیتوں کو سراہ رہے ہیں، جو عالمی کرکٹ میں پاکستان کے لیے مثبت پیغام ہے۔
